Հետազոտությունները և փորձերը հավաստում են, որ հանքային բամբակը չի բռնկվում և հալչում է 1000°C և ավել ջերմաստիճանի դեպքում: Դրա շնորհիվ հանքային բամբակը կարող է օգտագործվել վառարանների և ծխնելույզների ջերմամեկուսացման համար: Առկա են հանքային բամբակից 12-ից 180 կգ/մ3 խտությամբ շինվածքներ: Թեթև գորգերը կարող են օգտագործվել հորիզոնական մակերևույթների կամ օդափոխվող օդային միջնաշերտով ճակատների ջերմամեկուսացման համար: Հանքային բամբակի ջերմահաղորդականության գործակցի մեծությունն է 0.039-0.045 Վտ/մ°C:
Բազմաթիվ ուսումնասիրությունների արդյունքում պարզ է դարձել, որ ձմռան ամիսներին յուրաքանչյուր առանձնատուն ծախսում է միջինում 60,000 դրամ գումար տան ջեռուցման համար, իսկ բազմաբնակարան շենքերի բնակարանները՝ 20,000-40,000 դրամ։ Շենքերի ջերմամեկուսացումը և էներգաարդյունավետության համար ներդրում կատարելը լավագույն միջոցն է նվազեցնելու ձմռանը՝ ջեռուցման, իսկ ամռանը՝ հովացման ծախսերը՝ բարելավելով կառույցի ջերմային հարմարավետությունը։ Ջերմամեկուսացումը ձեր բնակարանը տաք է պահում ցուրտ ամիսներին և զով՝ շոգ եղանակին։ Որոշ բնակարանատերեր իրենց տաքացուցիչներն նույնիսկ ամբողջովին անջատում են։ Ձեր կառույցի ջերմային դիմադրողականությունը բարձրացնելու համար ջերմության արտահոսքը շենքի արտաքին պատերի միջով պետք է նվազեցվի։ Հանքային բամբակը ջերմամեկուսիչ նյութ է, որը լայնածավալ կիրառում է գտել ամբողջ աշխարհում և կիրառվում է տանիքների, պատերի և հատակների ջերմամեկուսացման համար: Օգտագործվում է DIY աշխատանքներում, ինչպես նաև ինդուստրիալ մեծ նախագծերի ժամանակ:
